Aleanca për Mbrojtjen e Teatrit padit Këshillin Bashkiak për vendimin e shembjes së Teatrit Kombëtar

“Aleanca për Mbrojtjen e Teatrit” ka dorëzuar në Prokurorinë e Tiranës një padi kundër Këshillit Bashkiak për vendimin e shembjes së Teatrit Kombëtar.

Pasi ka kundërshtuar për shumë kohë shembjen e tij, ditën e sotme, përfaqësues të Aleancës i janë drejtuar Prokurorisë së Tiranës.

Aleanca do të ngrejë një padi penale ndaj vendimit të djeshëm të Këshillit Bashkiak, që kishte vendosur shembjen e tij.

Po ashtu, do të paditet edhe Instituti i Ndërtimit, për një ekspertizë të kryer në vitin 2018, pasi sipas Aleancës për Mbrojtjen e Teatrit, ka dyshime se një prej firmave është e falsifikuar, ndërsa 3 firmat e tjera mendohet se janë vendosur nga persona që nuk kanë pasur licenscë për një akt të tillë.