Alibeaj: Presidenti duhet votuar me 84 vota, propozimi duhet të vijë nga opozita

27 sekonda zgjati seanca e parë në këtë të hënë në Kuvend për zgjedhjen e Presidentit të ri, kjo pasi nuk ka ende asnjë kandidaturë. I komanduari nga Basha si kryetar i Partisë Demokratike, Enkelejd Alibeaj tha për mediat se Partia Socialiste nuk e ka legjitimitetin për të zgjedhur Presidentin. Për të presidenti duhet të zgjidhet në 3 raundet e para me 84 vota, madje shtoi se propozimi duhet të vijë nga opozita.

”Kemi bërë një deklaratë të çuar zyrtarisht nga mazhorancës, me një logjikë fare të thjeshtë; nëse duhet të jetë presidenti i gjithë shqiptarëve, duhet të jetë një proces transparent dhe i besueshëm.

Prandaj duhet të zgjidhet në 3 raundet e para me 84 vota. Kemi qenë në qëndrimit të propozimit tonë. Duam që propozimi të jetë i yni dhe të zgjidhet brenda 3 raundesh.

Ne nuk duam që presidenti të zgjidhet me 71 vota në raundet e 4 ose 5, pasi këta i kanë vjedhur votat. Nuk duam të përjashtojmë asnjë nga palët. Sigurisht që duam që ky proces të shtohet dhe të jetë sa më transparent e të gjithë pranuar. Ne deri më tani nuk kemi emra, sepse nuk është proces kam një emër më jep një emër”.