Alimadhi: Dua raportin e ekspertit për shkeljet e Metës, asnjë deputet nuk i ka

Deputeti Adriatik Alimadhi në seancën se sotme në Kuvend, ku socialistët kërkojnë shkarkimin e Presidentit Ilir Meta, është përfshirë në një debat me zv.kryetaren e Kuvendit, Vasilika Hysi, pasi i ka kërkuar raportin e ekspertëve për shkarkimin e kreut të shtetit. Alimadhi theksoi se që të votojë për shkarkimin e Metës duhet të krijojë bindjen se Kreu i Shtetit ka bërë shkelje të rënda.

”Mos na bëni si fëmijë. Unë do të votoj për shkarkim. Ju e keni administruar dhe përbën thelb kushtetues raporti i një eksperti, që çdo deputet duhet ta zotërojë. Si ka mundësi që gjithë këta deputetë nuk e zotërojnë dhe do votojnë për shkarkimin apo jo të presidentit.

Ka mundësi të më jepni materialin sepse nuk na e keni dhënë. Unë duhet të ndërgjegjësohem me aktet që ju keni raport. Mos na bëni si fëmijë, nuk ka asgjë për procedurë.

Unë duhet të krijoj bindjen që Presidenti i vendit tim shkarkohet për ketë shkelje të rëndë. Nga nesër vendimi do shkojë në Gjykatën Kushtetuese dhe do t’u kërkohen këto procedura”.