Alizoti: Alibeaj të largohet, kreu i grupit të PD-së duhet të zgjidhet nga vetë grupi

Pas mbledhjes së grupit parlamentar, deputeti demokrat Tomorr Alizoti duket se është pro kërkesës së Sali Berishës për largimin e Enkelejd Alibeajt si kryetar i grupit parlamentar të PD. Në një deklaratë për mediat, Alizoti tha se pas zgjedhjeve të 6 marsit, kreu i grupit duhet të zgjidhet nga grupi parlamentar si një akt politik dhe unifikimi.

“Kryetari i Grupit, pas zgjedhjeve të 6 marsit, duhet të zgjidhet nga grupi parlamentar si vetmi institucion legjitim. Ky është akt politik dhe unifikimi.

Ne nuk shmangim dot palët, por duhet të gjejnë një bashkim për elektoratin e tyre. Minoranca nuk mund të jetë më me shumë kapriço se maxhoranca. Nuk priten vendime nga kjo mbledhje, kanë qenë më shumë si terapi në grup”.