AMA u ndalon mediave transmetimin e spotit të PD, asnjë nuk e zbaton

Autoriteti i Mediave Audiovizive kërkon ndërprerjen e spotit të PD për protestën e 8 dhjetorit.AMA iu kërkon televizioneve mostransmetimin e spotit për protestën, ku ftohen qytetarët për pjesmarrje.

I menjëhershëm  ka qenë reagimi i kreut të Komisionit të medias, Genc Pollo. Në një postim në faqen e tij zyrtare fb, ai e cilëson urdhrin politik dhe arbitrar.

“G. Sala, shefi i paligjshëm i AMA-s, urdhëron arbitrarisht mediat të bllokojnë spotin e PD para mitingut. Frika e Edi Rama tund G.Salën.  U bëj apel mediave, urdhëri politik është arbitrar. Liria e medias,e drejta e tubimit është primare. Protesta zbyth Ramën me monopolistët e tij”.