Ambasada e SHBA në Tiranë: Rusia po mbush mjedisin mediatik me pavërtetësi për Ukrainën

Nisur nga situata mes Rusisë dhe Ukraninës, ku po flitet për një prag-lufte, ambasada amerikane në Tiranë ka ndarë në rrjetet sociale raportin e DASH sipas të cilit Rusia po bën propagandë dezinformuese lidhur me Ukrainën.

Përpjekjet e fundit të Rusisë për të mbushur mjedisin mediatik me pavërtetësi për Ukrainën janë pjesë e një modeli të vjetër, thotë Ambasada, duke e shoqëruar me linkun e raportit me temat kryesore të keqinformacioneve të përsëritura të Rusisë.