Ambasada e SHBA publikon mesazhin e Vance: S’duhet të kemi frikë prej qytetarëve tanë, edhe kur ata…

Ambasada e SHBA-ve në vendin tonë ka publikuar mesazhin e zëvendëspresidentit amerikan J.D. Vance, vetëm 6 ditë para zgjedhjeve parlamentare të 11 majit.

Me anë të një postimi në Facebook, ambasada teksa citon J.D. Vance shkruan se “të besosh në demokraci do të thotë të kuptosh se secili prej qytetarëve tanë ka mençuri dhe ka një zë”.

“Të besosh në demokraci do të thotë të kuptosh se secili prej qytetarëve tanë ka mençuri dhe ka një zë. Ne nuk duhet të kemi frikë prej qytetarëve tanë, edhe atëherë kur ata shprehin pikëpamje që nuk pajtohen me udhëheqësit e tyre”, ka thënë  në mesazhin e tij zëvendëspresidenti i Shteteve të Bashkuara J.D. Vance, që është publikuar edhe nga ambasada e SHBA-ve.