Ambasada greke: Ja pse Tsipras nuk erdhi në Tiranë

Ambasada greke ka mbështetur variantin e kryeministrit Rama lidhur me anullimin e vizitës së Aleksis Tsipras në Tiranë dhjetorin e kaluar. E pyetur nga portali Respublica,nëse ky anullim ish bërë me kërkesë të kancelares gjermane, Angela Merkel. ambasada e ka hedhur poshtë këtë version. Ambasada greke e cila kishte përgatitur të gjitha detajet e vizitës së Aleksis Tsipras në kryeqytetin shqiptrar dhjetorin e kaluar, tha se ishin zhvillimet politike në Greqi që ndryshuan axhendën e kreut të SYRYZA-s. Zyra për shtyp e ambasadës greke në Tiranë sqaroi se gjithçka flitet për një ndërhyrje të zonjës Merkel është spekullim dhe se axhenda e kreut të SYRYZA-s u ndikua nga zhvillimet politike në Greqi që kishin të bënin me zgjedhjen e presidentit të vendit. Pak ditë më parë edhe kryeministri Rama në emisionin “Shqip” dha të njëjtat arsye për anullimin e vizitës së Cipras duke thënë se kreu i SYRYZA-s spostoi ardhjen në Tiranës pas krizës politike për zgjedhjen e presidentit të Greqisë.Ndërkohë që një burim diplomatik i kish pohuar Lapsi.al se vizita nuk qe pranuar nga Tirana zyrtare. Një gjë të tillë duket se e konfirmon edhe qëndrimi i kujdesshëm i qeverisë Rama, ngas fitores së liderit të radikalëve të majtë.