Ambasadori i SHBA-së, Hovenier takohet me Kurtin: Po mendojmë sesi qeveria të qetësojë situatën në veri

Ambasadori i SHBA-së në Kosovë, Jeffrey Hovenier u takua këtë të enjte me kryeministrin Albin Kurti, ku tha se SHBA-ja po mendon se çfarë mjete të tjera ka për ta inkurajuar qeverinë e Kosovës ta qetësojë situatën në veri.

“Nuk jam në pozitë të them (çfarë mund të jenë pasojat e tjera). SHBA-ja po mendon se çfarë mjete të tjera ka për ta inkurajuar Qeverinë e Kosovës për ta bërë atë që ne mendojnë që është e rëndësishme të bëhet tani: arritjen e qetësimit të situatës”, tha Hovenier.

Nga ana tjetër, ai tha se i takon qeverisë së Kosovës ta bëjë këtë gjë, dhe jo SHBA-së. Si pasojë e parë për situatën e krijuar në veri të vendit, ambasadori Hovenier bëri të ditur më 30 maj se “stërvitjet Defender Europe 2023 kanë marrë fund” për Kosovën.