Ambasadorja Yuri Kim: Shqipëria në rrugën e duhur që të udhëtojë në SHBA pa viza

Ambasadorja e SHBA-së në Tiranë, Yuri Kim thotë se Shqipëria është në rrugën e duhur që të hyjnë shqiptarët në SHBA pa viza. E ftuar në ”Real Story”, Kim pohoi se një gjë e tillë mund të ndodhë shumë shpejt.

”Varet nga çfarë ndodh në Shqipëri. Por mund të them këtë. Kur japim, kur vendosim të japim viza dhjetë-vjeçare, kuptimi është që jemi optimistë për dhjetë vitet e ardhshme.

Nuk bëj dot parashikim se kur saktësisht do të mund të udhëtojn shqiptarët pa viza fare, por mund të them se jemi në drejtimin e duhur. Një nga këta tregues është tregtia, biznesi midis Shteteve të Bashkuara dhe Shqipërisë”, tha Kim.