Analisti: SPAK ka mbështetjen e opinionit publik, Ahmetaj të vijë të përballet

Analisti Platon Nesturi e cilësoi një goditje të fortë të SPAK lëshimin e urdhër-arrestit për Arben Ahmetajn.

Sipas atij SPAK-u e ka ngritur “stekën” duke goditur një figurë kaq të lartë të pushtetit. SPAK ka edhe mbështetjen e opinionit publik për të hetuar abuzimet me pushtetin.

“SPAK që realisht po synon dhe e ka ngritur stekën deri te figurat më të larta politike, aq më tepër i një mazhorance që është ende në pushtet. Vetë trysnia e opinionit publik ndikon në këto rrethana. SPAK ka mbështetjen e opinionit publik për të hetuar abuzimet me pushtetin. Ajo që po luhet është me procedurat, po nuk e shmang dot hetimin. Me interes do ishte që Ahmetaj të përballej me këtë gjë”, tha analisti në ”Euronews Albania”.