Ardian Dvorani: Henri Çilin e njoh, por nuk jemi miq

Kreu i KED Ardian Dvorani ka deklaruar se nuk ka asnjë kontakt me botuesin dhe pronarit të UET Henri Çili i cili u arrestua ditën e sotme.

“Çilin e njoh, nuk jemi miq. Salutohemi nëpër evente por vetëm kaq. Jam shumë i sigurt që nuk jam ulur asnjëherë me Çilin“, u shpreh Dvorani.

I pyetur nga gazetarja A2, Elona Gjylmi, nëse kishte pasur kontakte me botuesin, Dvorani mohoi një gjë të tillë.

Ardian Dvorani: Zotin Çili e njoh, por nuk kam kontakte.

A ju ka kontaktuar për çështje ligjore, specifike?

Ardian Dvorani: Absolutisht jo. Këtë e them me dijeni absolute.

A keni dijeni se ka kontaktuar dikë tjetër në Gjykatën e Lartë?

Ardian Dvorani: Nuk kam dijeni, po të kisha do ta kishe thanë, pasi do të ishte problem sepse kontakte të tilla nuk lejohen në Gjykatën e Lartë. Unë i vetmi gjyqtar në detyrë. Gjykata e Lartë nuk është funksionale.

Çfarë do të bëhet me gjyqin e Alikove?

Ardian Dvorani: Nuk e di. Do të shikoj kur ka mbërritur në Gjykatën e Lartë. Me sa e kam ndjekur në media, duhet të jetë zhvilluar në fund të vitit të kaluar. Aktualisht janë 5 mijë apo 6 mijë dosje në Gjykatën e Lartë.