Arrestohet Erzen Breçani dhe 11 të tjerë. Akuzat, nga trafiku i drogës te sigurimi i kushteve për vr*sje

Këtë të hënë SPAK-u ka lëshuar 11 urdhër-arreste. Nga informacionet paraprake dyshohet se ky operacion është faza e dytë e operacionit Metamorfoza, i cili më parë ka zbardhur një sërë ngjarjesh kriminale ku u vunë në pranga disa efektivë policisë, biznesmenë, si dhe drejtues të policisë së shtetit. Në polici ka përfunduar ish-drejtori i Policisë së Tiranës, Erzen Breçani dhe djali i tij, Eralbi Breçani. Babë e bir akuzohen për përkrahje të autorit të krimit dhe pastrim parash.

Po ashtu është lëshuar urdhër arresti edhe për Shefin e Krimeve në Komisariatin numër 6, Dedan Gjoni. Ndaj këtij të fundit janë ngritur disa akuza për vepra të rënda penale, një prej të cilave është ajo e sigurimit te kushteve per të kryer vrasje.

Mbi 11 të dyshuarit që janë zbuluar nga komunikimet në aplikacionin SKY-ECC rëndojnë akuza për pastrim parash, grup i strukturuat kriminal, trafik dorge, sigurim kushtesh për të kryer vrasje, shpërdorim detyre dhe përkrahje e autorit të krimit. Urdhër-arresti është lëshuar edhe për Ervin Matën. Po ashtu bëhet me dije se mes të shoqëruarve janë edhe 7 punonjës të tjerë të Policisë.

Mbi 11 të dyshuarit për të cilët janë lëshuar urdhër-arreste pas zbërthimit të mesazheve nga aplikacioni i koduar “SKY ECC” rëndojnë akuza për pastrim parash, grup i strukturuat kriminal, trafik dorge, sigurim kushtesh për të kryer vrasje, shpërdorim detyre dhe përkrahje e autorit të krimit. Operacioni është ende në vijim dhe pritet që të ketë një njoftim zyrtar për të dhënë më shumë detaje.