Arta Dade: Uroj që Veliaj të bëjë luftën ligjore deri në fund! Si kryebashkiak solli vizion dhe zhvillim

Ish-deputetja e PS-së, Arta Dade mbajti fjalën e saj në ceremoninë e organizuar nga Bashkia e Tiranës me rastin e 105-vjetorit të shpalljes së Tiranës Kryeqytet i Shqipërisë. Dade vlerësoi figurën e Erion Veliaj në drejtimin e bashkisë Tiranë, i cili sot gjendet pas hekurave për shkak të hetimeve të SPAK.

”Erioni përfaqëson brezin e ri të politikës. Nuk ka lidhje me politikën e 35 viteve. Uroj që kryetari ynë i dashur të bëjë luftë ligjore deri në fund dhe për të vërteta e tij. Jam e bindur se në shembullin e tij bashkia e Tiranës do jetë në avanguard të zhvillimeve si gjithë kryeqytetet e BE.

Veliaj mund të ishte fare mirë edhe kryetari i bashkisë së Romës. Me vizionin e tij, maturinë e tij, patjetër është kryetari i një bashkisë europiane.

E kam votuar reformën në drejtësi, që kjo drejtësi të ketë më së pari mbrojtjen e të drejtave të njeriut, i barabartë për ata që rasti e sjell të kenë punë me drejtësinë. Ta bëjmë gjithë Shqipërinë ashtu si Edi Rama dhe Erion Veliaj kanë bërë Tiranën”, tha Dade.