“Asgjë nuk do të mbyllet, jeta dhe ekonomia vazhdojnë”, Rama shpërndan deklaratën e Trump për koronavirusin: Frikë aspak, kujdes shumë!

Pas deklaratës së presidentit Donald Trump se nuk duhet të krijohet panik për shkak të koronavirusit, pasi vdekshmëritë nga grupi sezonal vitin e kaluar kanë qenë më të larta, vjen një reagim nga kryeministri Edi Rama.

Teksa ka shpërndarë reagimin e Trump, Rama thekson se nuk duhet pasur frikë, por duhet të tregohet shumë kujdes. Kreu i qeverisë shqiptare thekson se deklarata e presidentit amerikan është fakti që mos të humbet qetësia dhe kthjelltësia.

REAGIMI I RAMËS
? FRIKË ASPAK, KUJDES SHUMË!

Ky prononcim i Presidentit të Shteteve të Bashkuara nuk duhet lexuar kurrësesi si një ftesë për moskokëçarje, por thjesht si një fakt për të mos humbur qetësinë e kthjelltësinë:

“Vitin e shkuar 37.000 amerikanë humbën jetën nga gripi i zakonshëm. Mesatarja vjetore e vdekjeve nga gripi (SHBA) është mes 27.000 dhe 70.000 në vit. Asgjë nuk ndalet, jeta&ekonomia vazhdojnë. Në këtë moment janë konfirmuar 546 raste të Coronavirus dhe kanë humbur jetën 22 persona. Mendojeni pak!”