Atentati ndaj prokurorit, Brahimllari: Qytetarët ndihen të pasigurt, kryeministria dhe qeveria në shërbim të oligarkisë e krimit

Sekretari i Përgjithshëm i LSI Endrit Brahimllari ka reaguar për ngjarjen e rëndë të ndodhur mbrëmë në Mbikalimin e Shkozetit, ku iu bë atentat prokurorit Arian Ndoja.

Brahimllari shprehet se ngjarja në fjalë dhe të tjera si kjo, rrisin pasigurinë e qytetarëve, të cilët ndihen çdo ditë e më të frikësuar. Ai thekson se ndërsa qytetarët ndihen të pasigurt, kryeministri dhe qeveria vazhdojnë të bashkëpunojnë me krimin dhe oligarkinë.

Postimi i Endrit Brahimllarit:

Siguria publike në mëshirë të fatit.

Qytetarët po përballen çdo ditë e më shumë me ngjarje të renda dhe nuk ka asnjë reagim apo plane masash nga kjo qeveri.

Qytetarët janë lënë në mëshirë të fatit sepse Kryeministri dhe qeveria e tij janë në shërbim të oligarkisë dhe krimit të organizuar.

Ministria e Brendshme me Sander Lleshin minister eshte kthyer ne institut statistikash, numeron vetem viktimat, aksidentet dhe kilogramet e kokaines qe kalojne sa ne nje port ne portin tjeter.

Qytetaret jane te pambrojtur nga instuticionet e sigurise, qe per fatin tone te keq vetem numerojne viktimat dhe nuk bejne asnje gje tjeter.

Ne kete situate te rende per vendin zgjedhjet jane e vetmja zgjidhje per te kthyer rendin dhe sigurine publike, stabilitetin dhe zhvillimin ekonomik te vendit. Per te forcuar instuticionet dhe per te kthyer besimin e qytetareve tek nje shtet qe mbron interesat e tyre.