Bahri Shaqiri: Shkolla e parë shqipe e Durrësit, e kthyer në stallë bagëtish

Kandidati i LSI në qarkun e Durrësit, Bahri Shaqiri në një postim në rrjetin social Facebook shkruan se shkolla e parë shqipe e Durrësit është kthyer në stallë bagëtish.

“Ky është respekti që i ka dhënë “Rilindja” objekteve ikonë të trashëgimisë sonë. Në qeverisjen e re të pas 25 prillit, kjo godinë historike do restaurohet dhe do i kthehet dinjiteti që ka patur dikur”, shkruan në postimin e tij Shaqiri.

Reagimi i plotë:

Shkolla e parë shqipe e Durrësit, e kthyer në stallë bagëtish.

Shkolla e parë shqipe në Durrës, ajo e Ishmit, e cila daton në vitin 1913, ka qenë djepi i arsmimit në qarkun e Durrësit.

Nga ajo shkollë kanë dalë breza të artë, e të nderuar intelektualësh, që kanë përfaqësuar Shqipërinë denjësisht në shumë fusha, brenda e jashtë vendit.

Në këtë shkollë është ulur për herë të parë piktori me famë botërore, Ibrahim Kodra. Aty ka mësuar dhe Tinka Kurti së bashku me të vëllanë.

Shkolla përbën themelin e ndërtesës së arkivit kulturor të Durrësit.

Por kjo shkollë është kthyer në stallë bagëtish.

Ky është respekti që i ka dhënë “Rilindja” objekteve ikonë të trashëgimisë sonë.

Në qeverisjen e re të pas 25 prillit, kjo godinë historike do restaurohet dhe do i kthehet dinjiteti që ka patur dikur.

Bahri Shaqiri
LSI Durrës

#DurresiShtepiaJuaj 🌹
#LSI 🌹