Bajram Begaj paraqet dorëheqjen si ushtarak. Balla: Uroj që Meta të mos na hapë betejë sot!

Gjeneral Bajram Begaj tashmë është zyrtarisht kandidat për President Republike ndaj ka depozituar te ministri i mbrojtjes dhe të Kryeministri kërkesën për dorëheqjen nga Shefi i Shtabit të Përgjithshëm të Ushtrisë për shkak se ligji e kërkon dhe detyron që ushtarakët s’mund të zgjidhen në pozicione të rëndësishme politike.

Dekretimi i lirimit nga detyra e Shefit të Shtabit të Përgjithshëm të Ushtrisë duhet bërë nga Presidenti Meta, por ky i fundit sot ndodhet në Stamboll.

Kryetari i grupit parlamentar socialist Taulant Balla tha në mbledhjen e grupit parlamentar se shpreson që Meta të mos i krijojë probleme me dekretimin por gjithsesi së bashku me Komisionin e Ligjeve i kanë marrë masat.

“Besoj se kjo procedurë do të përfshijë brenda orëve në vijim edhe Presidentin aktual që do të bëjë lirimin dhe kjo nuk do të jetë, mendoj, beteja e radhës. Por kemi menduar edhe mënyrën e zgjidhjes nëse larg qoftë na krijohet ndonjë ngërç me Presidentin”, tha Balla.

Pra Balla edhe i lutet Metës, por edhe e kërcënon!