Balla: PD kundër votës së emigrantëve humbësit do e kontestojnë nr. elektronik

Nënkryetari i grupit të Partisë Socialiste dhe njëherësh bashkëkryetar në komisionin për Reformën Zgjedhore, Taulant Balla ka deklaruar se Partia Demokratike është kundër votës së emigrantëve në zgjedhjet e ardhshme, ndërsa përsa i përket kërkesës së opozitës për numërim elektronik, ai u shpreh se në Shqipëri pala humbëse do të kërkojë sërish numërim manual edhe nëse miratohet sistemi i ri i numërimit.

Balla është ndalur edhe te procesi i financimit të partive politike duke kërkuar transparencë, jo vetëm brenda partive politike.

“Procesi i financimit të partive duhet të jetë shumë transparent dhe adoptuar, jo vetëm brenda partive, por edhe KQZ.

Shqipëria nuk duhet të bëjë përjashtim nga financimi qoftë nga buxheti i shtetit, qoftë nga sponsorat.

Pjesa e financimit nga sponsorët duhet të jetë me emrat konkretë.

Partia Demokratike ka na kundërshtuar për votën e emigrantëve, por ne nuk heqim dorë, se kur do të realizohet nuk dihet.

Në fund të vitit duhet kemi Kod të ri Zgjedhor, ndërsa korrektimi i sistemit elektoral është një vendimmarrje politike.

Ndryshimi i sistemit kërkon ndërhyrje kushtetuese, nëse do ishte me korrektim kombëtar.

Personalisht mendoj se nuk duhet ndryshuar, pasi ka funksionuar në dy palë zgjedhjet e fundit.

Përsa i përket numërimit elektronik, nuk shkoi ashtu sikur duhej në zgjedhjet e tjera.

Në Shqipëri edhe pasi të numërohen votat elektronikisht, pala humbëse do të kërkojë numërim manua” tha ai.

Balla e ka cilësuar si të pafalshëm vendimin e Presidentit për të dekretuar ligjin e Vettingut në heshtje.

Përsa i përket negociatave për reformën në drejtësi, deputeti i PS, u shpreh se po presim, por mazhoranca i ka votat.