Balla u përgjigjet akuzave nëse ka darkuar me Lulzim Bashën: Rastisëm në një vaki familjare

Kreu i Grupit Parlamentar Socialist, Taulant Balla, ka mohuar akuzat e ish-kryeministrit Sali Berisha se ka darkuar me Lulzim Basha dhe kryebashkiakun Erion Veliajn.

Në një konferencë për mediat, Balla i ka hedhur poshtë këto akuza, duke u shprehur se kjo është një tjetër shpifje dhe mashtrim i Berishës.

“Unë dua të sqaroj që asnjëherë në jetën time nuk kam qenë në një darkë me zotin Basha. Ajo që është thënë nga Sali Berisha është një rishfaqje e 30 vjetëve të Sali Berishës i cili vetëm me gënjeshtra shpifje dhe mashtrime ka lënë trashëgiminë e vet politike“, tha Balla.

“Rasti në fjalë ka qenë në një vizitë në familjen e një miku të vyer, kemi rastisur me shumë njerëz të tjerë. Kam rastisur me njerëz të rreshtuar krah Sali Berishës”, shtoi më tej Balla.