Ballafaqimi i dytë me Bamin, Toma mbërrin në Prokurori

Deputeti socialist Tom Doshi mbërriti para pak minutash në Prokurorinë e Krimeve të Rënda. Sot do të bëhet një ballafaqim i dytë i tij me Durim Bamin, personin që Doshi pretendon se do të kryente ekzekutimin e tij dhe kolegut Mëhill Fufi. Seanca e parë e ballafaqimit mes tyre u bë një ditë më parë, ku sic u raportua, grupi hetimor e ka lënë vetëm për gati një orë Doshin dhe Bamin, në përpjekje për të kapur dicka nga biseda mes tyre. Ata kanë qenë gjatë gjithë kohës nën përgjim. Në dëshminë e djeshme, Doshi i ka qëndruar besnik dëshmisë së bërë më herët, ndërsa Durim Bami ka thënë se e gjithë kjo histori ka qenë një sajesë e Doshit. Pritet që të dhëna më të plota rreth dosjes “Doshi” të dalin pas verifikimit të tabulateve telefonike të Doshit, Frrokut, Skënderit dhe Bamit.