Bardhi i përgjigjet Ballës: Po bëjmë çdo sakrificë për mbrojtjen e Kushtetutës, nuk heqim dorë

Sekretari i Përgjithshëm i PD, Gazment Bardhi i është përgjigjur Taulant Ballës i cili pak më parë në një fjalim në Kuvend tha se Presidenti Meta hedh vrer për Shqipërinë tek ndërkombëtarët dhe PD përfundoi shtojcë e tij.

Bardhi shprehet se PD po bën çdo sakrificë për mbrojtjen e Kushtetutës dhe si europianë të vërtetë nuk heqin dorë.

Po ashtu ai akuzon Ballën si shtojcë të krimit që ka filluar karrierën politike i sponsorizuar nga trafikantë droge dhe vazhdon si i tillë.

Postimi i Gazment Bardhit

Taulant Balla është mësuar të jetë shtojcë e krimit, përmes të cilit ka vënë pasuri të paligjshme. Ai as nuk mund ta kuptojë, as nuk mund ta pranojë që ne, qytetarët e lirë të ketij vendi, të bëjmë çdo sakrificë për mbrojtjen e Kushtetutës. Skllavi i krimit, që nisi karrierën politike i sponsorizuar nga trafikantë droge dhe e vazhdon si i tillë, është i dështuar në diversionin e tij banal. Është detyra jonë që, si europianë të vërtetë, të mos heqim dorë nga mbrojtja e të drejtave themelore dhe nga mbrojtja e Kushtetutës.