Bardhi: Rama i pashpresë, me të njëjtën tufë hajdutësh kërkon të vjedhë Shqipërinë për herë të tretë

Sekretari i Përgjithshëm i Partisë Demokratike, Gazment Bardhi skanon drejtuesit politikë të Partisë Socialiste në qarqe, të cilët u emëruan pasditen e sotme në mbledhjen e gurpit parlamentar socialist që u zhvillua në Elbasan

Në reagimin e tij, Bardhi shprehet se përmes kësaj liste nuk ka asgjë të re nga fronti i Edi Ramës, pasi sicc thotë Bardhi, Rama me të njëjtën tufë hajdutësh kërkon të vjedhë Shqipërinë për herë të tretë. “Është i pashpresë! Bandës i ka ardhur fundi”, shprehet ndër të tjera, Bardhi.

Deklarata Gazment Bardhit

Asgjë e re nga fronti i Edi Ramës: Me të njëjtën tufë hajdutësh kërkon të vjedhë Shqipërinë për herë të tretë.

Me të njëjtët njerëz, me të njëjtin model për të vjedhur.

Në Shkodër Ilir Beqjen, kryehajdutin e shëndetësisë së munguar për shqiptarët.

Në Tiranë, Elisën 5 milionë Euro, simbolin e korrupsionit në dogana dhe Veliajn e  lavatriçes së  pastrimit të parave, inceneratorëve, dhe vrasësit të Teatrit Kombëtar.

Në Lezhë, Linditën e arsimit që s’di këndim, që vulosi ligjin e arsimit të lartë për të falimentuar universitetet publike dhe iku me turp pas protestave të studentëve në gjithë vendin.

Në Elbasan, Taulant Ballën, garantin e banditëve, kumbarin e Toyota Yarisit dhe shokun e mafiozit Edmond Begos.

Në Vlorë, Damian Gjiknurin e dosjes së blerjes së votave dhe shitjes së unazës së re 20 milion euro/km, Tërmeti i votave të mafias mbi zgjedhjet.

Në Korçë, Niko Peleshin e shkarkuar për korrupsion, rrënuesin e Bujqësisë dhe kalbëzuesin e prodhimeve në ara.

Në Dibër, Olta Xhaçka, hajduten e tenderave të ushqimeve të familjeve në nevojë gjatë pandemisë.

Safet Gjicin që për tenderat e rilindjes konkurron me Safet Gjicin.

Rama, koka e korrupsionit 8 vjeçar kërkon me hajdutët e vjetër mandat të tretë.

Është i pashpresë! Bandës i ka ardhur fundi.