Barra fiskale/Presidenti Meta: Të ndihmojmë biznesin, për të ndalur shpopullimin

Presidenti i Shqipërisë, Ilir Meta ka analizuar shifrat që vendi ka barrën fiskale më të lartë dhe të ardhurat publike më të ulta, krahasuar me vendet e rajonit. Kreu i shtetit, përmes një postimi në facebook, thotë se bizneset nuk mbështeten njësoj, ndaj investitorët largohen. Thirrja e Presidentit është që të forcojmë ekonominë duke luftuar pabarazinë, korrupsionin dhe klientelizmin politik.

Postimi i plotë

Shqipëria ka barrën fiskale më të lartë dhe të ardhurat publike më të ulta, krahasuar me vendet e rajonit. Arsyeja është e thjeshtë: taksat ju vilen vetëm bizneseve, që nuk janë të lidhura me qeverinë.

Bizneset nuk mbështeten njësoj, ndaj investitorët largohen. Të forcojmë ekonominë duke luftuar pabarazinë, korrupsionin dhe klientelizmin politik!

Një klimë e mirë biznesi do të thotë më shumë vende të reja pune, më shumë investime, më shumë zhvillim. Të ndihmojmë biznesin, për të ndalur shpopullimin!