Basha: Dekriminaliizimi na çliron nga malavita

Kreu i Partisë Demokratike, Lulzim Basha deklaroi sot se projektligji i dekriminalizmit do të çlirojë institucionet nga personat me rekorde kriminale.

Në mbledhjen e grupit të PD­-së, Basha theksoi se ky ligj, i cili pritet të miratohet në Kuvend do të jetë një filtër ndaj të inkriminuarve.

“Nuk kemi ngritur një shqetësim irreal, por real. Projektligji i dekriminalizimit është një interes kombëtar për të hequr një prej njollave të zeza dhe për ta kuruar atë në kohën e demokracinë. Ai vendos filtrin e pakalueshëm e personave me rekorde kriminale nga postet publike. Ky ligj parashikon ndërprerjen e çdo mandati dhe heqjen e të drejtën e ushtrimit të detyrës si deputet. Nga ky ligj nuk do ketë më nga kjo kategori në piramidën e institucioneve të zgjedhura. Me këtë ligj çlirohemi nga mala­vita. Rivendoset morali i shëndoshë në gjithë shtetin.”, theksoi Basha.

Nga ana tjetër, kreu i PD-­së, u bëri thirrje deputetëve të Kuvendit të Shqipërisë që të votojnë projektligjin që u dorëzua në parlament.

Sipas tij, politikëbërësit në këtë rast duhet të japin një shembull; largim i personave të inkriminuar nga postet publike.

“Kjo është betejë që e fituam me qytetarët tanë. bashkë me miqtë dhe partnerët tanë, SHBA dhe BE që reaguan me ndjeshmëri të lartë, nxori në pah punën e opozitës. Në emër të PD dhe opozitës dhe emrin tim i falënderoj nga zemra të gjithë ata që kontribuon. Ju bëj thirrje deputetëve që të japin miratimin e tyre për testin e drogës. Politikëbërësit duhet të japin shembull. Vetëdija jonë për vërshimin e personave me rekorde kriminale në administratë nuk shkrepi një ditë të bukur. U kërcënuan nga një rrezik i madh. Ky është krimi në sistem. Përmes promovimit të personave me rekorde kriminale në institucione shtetërore dhe poste publike”, tha Basha.