Basha flet për takimin me Escobar: Po planifikoj vizitën për në Uashington!

Kryetari i Partisë Demokratike Lulzim Basha, pas takimit të tij me zëvendësndihmës Sekretari i Shtetit i SHBA-ve për Çështjet Europiane dhe Euroaziatike, Gabriel Escobar ka konfirmuar se do të zhvillojë një vizitë në Uashington.

Ndër të tjera Basha është shprehur se temë diskutimi ka qenë çështja e pandëshkueshmërisë dhe politika e shpalljes së non gratave, por që për vendimet e DASH do të flasë vetë Escobar.

“Çështja e pandëshkueshmërisë dhe politika e “non grata” ishte çështje e ndëshkueshmërisë ndërsa qëndrimet e Departamentit të Shtetit do të thuhen nga Escobar. Është një ftesë e përsëritur dhe po planifikoj një vizitë për në Uashington, për të ardhmen e Partisë Demokratike dhe dërgimin para të reformave”, ka thënë Basha.