Basha me të shoqen homazhe për Bashkim Finon te Pallati i Kongreseve

Kryedemokrati Lulzim Basha dhe bashkëshortja e tij Aurela Basha kanë zhvilluar homazhe në Pallatin e Kongreseve në nder të deputetit socialist Bashkim Fino i cili humbi mëngjesin e sotëm betejën me COVID.

Pasi kanë përfunduar nderimin e tyre për Bashkim Finon, Basha me të shoqen nuk kanë pranuar të flasin për mediat duke respektuar zinë deri në fund.

Kreu i PD anuloi sot takimet elektorale në shenjë respekti për Bashkim Finon, duke lënë në pritje qytetarët fierakë që kishin dalë me makina në hyrje të qytetit.

Bashkim Fino u nda nga jeta mëngjesin e sotëm pas një betejë të gjatë me COVID. Në nder të tij, me vendim të qeverisë, 29 Marsi është shpallur ditë zie kombëtare.