Basha: Nga 8 dhjetori protesta pa kthim, qeveri teknike

"Zgjidhja është krijimi i një qeveri teknike që do të përgatisë reformën zgjedhore, do të implementojë ligjin e dekriminalizimit dhe do të përgatisë vendin për zgjedhje të reja. Nuk duam thejsht të largohen këta e të vijmë ne. Duam një zgjidhje për Shqipërinë në mes të së keqes që e ka mbërthyer. Kush do të vijë, le ta vendosë populli me votë. Më 8 dhjetor nis përballja popullore pa kthim për largimin e qeverisë së katastrofës kombëtare. PD-ja do t'i paraprijë kësaj përballjeje. Ftoj të gjithë shqiptarët të mblidhen në sheshin Skënderbej në orën 11:00 të martën më 8 dhjetor".

Kështu u shprreh kreu demokrat, Lulzim Basha, gjatë mbledhjes së grupit parlamentar, teksa në emër të Partisë Demokratike, i ka ftuar qytetarët t'i bashkohen protestës pa kthim sipas tij për largimin e qeverisë, e cila nis në orën 11:00 të 8 dhjetorit në sheshin “Skënderbej”.

“Më 8 dhjetor në përkujtim të ditës së parë së protestës historike të sutdentëve ne kemi thirrur një mashtrim të madh proteste në Tiranë kundër qeverisë Rama- Meta. Mënyra më e mirë për të nderuar një ngjarje si simbol i përballjes me të keqen është të zbresim në rrugë dhe sheshet e protestës. Nuk ka asnjë shenjë dhe asnjë shpresë se situata mund të përmirësohet për shqiptarët. Ne mblidhemi më 8 dhjetor jo thjesht për të protestuar, po për zgjidhje", theksoi gjithashtu Basha.