Basha nga Durrësi: Kemi nisur punën për riorganizimin e PD

Kreu i PD, Lulzim Basha, ka zhvilluar këtë të hënë një takim me drejtuesit politikë të qarkut të Durrësit, ku paralajmëroi se ka nisur puna për riorganizimin e partisë.

Basha thekson se synim është modernizimi, hapja, përfshirja e sa më shumë të rinjve dhe të rejave në parti.

Postimi i Bashës:

Me drejtuesit politikë të Qarkut të Durrësit nisëm punën për riorganizimin e Partisë Demokratike.

Modernizimi, hapja, përfshirja e sa më shumë të rinjve dhe të rejave, e intelektualëve dhe specialistëve të ndershëm, janë prioriteti ynë për t’u dhënë shqiptarëve një alternativë që reflekton ambiciet e tyre për një ndryshim të vërtetë.