”Basha nuk bëhet kurrë kryeministër”, Sula: Shqiptarët duan figura si Bardhi apo Tabaku
Deputeti i Rithemelimit në PD, Dashnor Sula thotë se Lulzim Basha ka humbur shansin të jetë kryeministër, duke theksuar gabimin që bëri me djegien e mandateve. Nga ana tjetër, ai vlerësoi figura si Gazment Bardhi, Belind Këlliçi apo Jorida Tabaku.
”Basha nuk bëhet kurrë kryeministër. E kishte shansin në 2021. Me djegien e mandatave na bëri këtë që sot të kemi Ramën. Jemi në një vorbull ku të gjithë kemi marrë erë. Ne rrimë brenda një llumi me të njëjtën njerëz dhe duam riciklim.
Nuk bëhet dot riciklim për herë të katërt. Ai aty çfarë do gjynahe i ka të vogla apo zero. Është njeri i ndershëm. Jurist, i pakorruptuar. Është proletar, ka një shtëpi, një dhomë e kuzhinë edhe nënën. Shqiptarët duan figura të tilla, Gaz Bardhim, Këlliçin, Tabakun. Që do të thotë opozita ka nevojë për njerëz pa të kaluarën e tyre në errësirë”,–tha Sula në ”Report TV”.
Po ashtu Sula i bëri një thirrje publike kryeministrit Edi Rama dhe qeverisë të ndalojnë pasi situata krijuar nga keqqeverisja ka bërë që çdokush të mendoj largimin nga vendi.
”Nuk jam i lumtur që kryeministri i vendit tim të përgojohet. Që në vitet 2000 prokurori italian i antimafias thonin është e rrezikshme rruga ku ka hyrë Shqipëria. A është në gjendje kjo mazhorancë të luftojë krimin e organizuar dhe të ndalojë këtë hemorragji dhe depërtimit të krimit të organizuar në jetën tonë ekonomike”.
