Basha nxjerr të dhënat: Në 8 vite qeverisje të Ramës, pagat e mësuesve në vendnumëro, ne do ta ndryshojmë

Kryetari iPartisë Demokratike Lulzim Basha deklaron se në 8 vite qeverisje të Edi Ramës, pagat e mësuesve kanë mbetur në vendnumëro, ndërsa premton se me ardhjen në pushtet, qeveria e re do ta ndryshojë këtë situatë

“Gjatë qeverisjes së Partisë Demokratike pagat e mësuesve u dyfishuan. Gjatë 8 viteve të Ramës ato mbetën vendnumëro. E gjithë Shqipëria ka mbetur vendnumëro prej tij dhe dështimeve të tij në çdo drejtim. Ka ardhur koha që kjo të ndryshojë. Ka ardhur koha për një qeveri që kujdeset për mësuesit dhe për të gjithë qytetarët”, shprehet kryedemokrati Lulzim Basha përmes rrjeteve sociale.