Basha: Policia e Shtetit do ti kthehet qytetarëve, reformë e thellë

Pas deklaratës që dha ditën e sotme për mediat, kreu i PD-së, Lulzim Basha në postimin që ka bërë në Twitter, ka thënë se në polici do të bëhet reformë e thellë dhe sipas tij blutë do të kthehen në qytetarë.

”Policia e Shtetit do të kthehet qytetarë. Reforma e thellë, për një polici që do të luftojë krimin, do të bëjë qytetarët mbrojtës dhe ligjin dhe do të jetë pjesë e përpjekjeve tona të tjera të suksesshme për futur Shqipërinë në BE”,-shkruan ai. Gjatë bashkëbisedimit sot me gazetarët, Basha tha në polici do të vendosen njerëz prefesionistë.

”Nuk do të përdorë më gaz lotsjellës për të nxjerrë fëmijët 5-vjeçarë nga shtëpitë e tyre që t’i shkatërrojë për projekte e për afera abuzive si tek Unaza e re apo tek zhvendosja e lumit të Lanës. Do të përbëhet nga njerëz profesionistë, jo nga militant partie dhe në çdo rast nuk do të lejohen kuadro të cilët përdorin drogën dhe veprojnë nën efektin e drogës. Peshku qelbet nga koka. Reformë e thellë me një polici që do të luftojë krimin, do të mbrojë qytetarët dhe ligjin dhe do të jetë pjesë e përpjekjes tonë tjetër të suksesshme për ta futur Shqipërinë në BE”, deklaroi Basha.

Policia e Shtetit do t'u kthehet qytetarëve. Reformë e thellë, për një polici që do të luftojë krimin, do të mbrojë qytetarët dhe ligjin dhe do të jetë pjesë e përpjekjes tonë tjetër të suksesshme për ta futur Shqipërinë në BE. 🇦🇱🇪🇺 pic.twitter.com/m7W9oJJ1zJ

— Lulzim Basha (@lulzimbasha_al) December 15, 2020