Basha pret në zyrë ambasadorin hollandez: Ndava shqetësimin për shkeljen e çdo standardi për zgjedhjet në Shqipëri

Kryetari i Partisë Demokratike Lulzim Basha ka zhvilluar ditën e sotme një takim me ambasadorin hollandez në vendin tonë, Reinout Vos.

Lajmin e ka bërë publik vetë kryedemokrati përmes një postimi në Twitter, ku shprehet se kryefjalë e takimit ishte procesi i integrimit.

“Mirëprita ambasadorin hollandez Reinout Vos. Diskutuam mbi sfidat e Shqipërisë në procesin e integrimit. Ndava shqetësimin për shkeljen e çdo standardi për zgjedhjet në Shqipëri siç dëshmon dhe raporti i ODHIR, për korrupsionin, lidhjet e politikës me krimin dhe trafiqet”, shkruan Bashan në Twitter.