Basha sulmon Ramën: Pasuri dhe luks për vete, papunësi, varfëri, padrejtësi dhe pasiguri për njerëzit

Kryedemokrati Lulzim Basha ka akuzar sërish kryeministrin Edi Rama, i cili me qeverisjen e vendit nga ana e tij po siguron pasuri dhe luks për vete, ndërsa, nga ana tjetër thotë se Rama po shkakton papunësi, varfëri, padrejtësi dhe pasiguri për njerëzit.

“Hajduti Psiqik dhunon dhe gjobit sipërmarrjet e vogla që mezi mbajnë me bukë shumicën e familjeve shqiptare! Me paratë e grabitura atyre financohen lluksi dhe qejfet e Hajdutit Psiqik dhe klientëve të tij.

Ja si harxhon miliona euro të shqiptarëve për lluksin e tij dhe kontrata “sekrete” për miqtë dhe familjarët e tij Hajduti Psiqik”, deklaroi kryedemokrati Lulzim Basha, i cili komentit të tij në rrjetet sociale i bashkëngjit dhe një video-mesazh lidhur me arsyet e kësaj situate të rëndë në të cilën është futur vendi.