Basha u shkon në shtëpi pensionistëve: Qeveria nuk pyet për ju, të moshuarit po vuajnë

Kryetari i PD-së, Lulzim Basha, u takua këtë të martë me Lina dhe Robert Martinin, një çift pensionistësh në Tiranë, ku dëgjoi sesi kriza e ka vështirësuar edhe më shumë jetën e tyre. Të moshuarit po vuajnë më së shumti pasojat shëndetësore dhe ekonomike të Covid-19. Qeveria nuk ka ndermarrë asnje masë për tu ardhur në ndihmë, për ti mbështetur financiarisht ndërkohë që pensionët janë të uleta, shpenzimet sa vijnë e shtohen me fatura të rritura të dritave, ujit, ilaçeve, maskave dhe dezinfektantëve.

“Virusi është shumë i rrezikshëm. Moshat e treta i godet shumë më rreptë se sa moshat e tjera dhe është detyra juaj të ruani veten, është dyfish detyra jonë, por po jua them si prindërve të mi që t’ju ruajmë ju. Më e dhimbshmja, është që këtu ka mbetur me ruajtur veten sepse ata që e kanë për detyrë, qeveria që e ka për detyrë t’i mbrojë njerëzit, nuk po e bën detyrën e vet. Edhe në spitale po e shikoni si ështê fluksi. Mjekët janë të shteruar, të ezauruar, sepse duhet te perballen me shume te semure. Kostoja e ilaçeve është e papërballueshme. Kështu që duhet me bërë gjithçka per tu mbrojtur”,-u shpreh kryetari I PD Basha.

Robert Martini tha se kosto eshte e paperballueshme, faturat dhe cmimet jane rritur. Nga ana tjetër, ai tregoi rastin e bashkëmoshatarëve të tij që detyrohen të marrin bukë të ndenjura vetëm se kushtojne më lirë.