Basha: Ulja e taksave 1 miliard euro në ekonomi

Në turin e tij “Takim me Qytetarët” këtë herë kreu i demokratëve Basha ka ndaluar në Cërrik. Përveç prezantimit të platformës së opozitës para banorëve të Cërrikut, Basha  i shoqëruar nga deputetët e zonës, znj.Arbjola Halimi dhe deputeti Luçiano Boçi, ka parë nga afër gjendjes ekonomike dhe është prezantuar me shqetësimet e banorëve. Basha theksoi se efekti i uljes së taksave parashikon 1 miliardë euro në ekonomi, dhe minimalisht 25 mijë vende të reja pune vetëm vitin e parë.

“Investitorët gjermanë që janë këtu po fillojnë të mbyllin bizneset, po fillojnë të nxjerrin nga puna më shumë shqiptarë. Ata që planifikonin të vinin, nuk vijnë. Shqipëria është e 19-ta në listën e rajonit. Shteti nesër nen drejtimin tim, me votën dhe besimin tuaj do të të mendojë dhe do të përpiqet për një dhe vetëm një objektiv madhor, punësimin në tërësi dhe punësimin e të rinjve në veçanti. Hapi i parë, ulja e taksave. Efekti, 1 miliardë euro në ekonomi. 1 miliardë euro në ekonomi janë minimalisht 25 mijë vende pune vetëm vitin e parë”, është shprehur Basha.

Banorët janë shprehur se: Varfëria , papunësia, rënia e fuqisë blerëse, ilaçet e skaduar etj,  janë disa nga problemet dhe shqetësimet me të cilët përballen çdo ditë.

Si një forcë e ardhme e PD-së, Basha gjithashtu është takuar me të rinjtë e Cërrikut. Në bashkëbisedimet me ta, kreu i opozitës ka theksuar se platforma për arsimin parashikon mundësi për të rinjtë për të studiuar dhe orientuar në ato universitete ku tregu i punës është më i madh.

“Shteti nesër nen drejtimin tim, me votën dhe besimin tuaj do të të mendojë dhe do të përpiqet për një dhe vetëm një objektiv madhor, punësimin në tërësi dhe punësimin e të rinjve në veçanti.

Hapi i parë, ulja e taksave. Efekti, 1 miliardë euro në ekonomi. 1 miliardë euro në ekonomi janë minimalisht 25 mijë vende pune vetëm vitin e parë”, ka shtuar Basha.

R.Sh