Basha uron 30-vjetorin e Lëvizjes Studentore me thirrjen e rinisë: E duam Shqipërinë si gjithë Europa

Me thirrjen e rinisë “E duam Shqipërinë si gjithë Europa”, kreu i PD, Lulzim Basha ka uruar 30-vjetorin e lëvizjes së dhjetorit. Në një status në Facebook, kreu i demokratëve thotë se 30 vjet më parë, heronjtë e rinisë shqiptare ndryshuan përgjithmonë fatin e Shqipërisë.

Në këtë 30 vjetor thotë Basha, le t’i nderojmë ata me zotimin për të bërë realitet Shqipërinë si gjithë Europa!

Postimi i Lulzim Bashës

E duam Shqipërinë si gjithë Europa!

Kjo ishte thirrja e tyre, teksa kapërcenin barrierat policore dhe dhunën e regjimit.

E duam Shqipërinë si gjithë Europa!

30 vjet më parë, heronjtë e rinisë shqiptare ndryshuan përgjithmonë fatin e Shqipërisë. Ata luftuan për liri, për demokraci, për të drejtat e njeriut – dhe fituan.

Në 30 vjetorin e lëvizjes së dhjetorit le t’i nderojmë ata me zotimin për të bërë realitet Shqipërinë si gjithë Europa!