Batutat e Ramës: FRESSH u bë 30-vjeç, nuk quhet më i ri, vetëm Pandeli Majko nuk plaket!

Gjatë fjalës së mbajtur në 30 vjetorin e themelimit të FRESSH, Kryeministri Rama nuk i ka kursyer as batutat me të ftuarit.

Kryeministri, duke iu drejtuar të rinjve tha se forumi i FRESSH nuk është më i ri dhe sipas tij u takon atyre që të shkojnë përtej traditës, ndërkohë që nuk ka lënë pa bërë batuta me themeluesin e FRESSH, Pandeli Majkon.

FRESSH-i nuk është më ri pasi mbushi 30 vjeç, ndërkohë që vetëm Pandeli Majko mbetet i ri, thotë Rama!

“Dua të shkoni përtej FRESSH. U bë 30 vjeç tani dhe nuk quhet më i ri. 40, 50, 60, 70, 80, 90, 100, i ri mbetet Pandeli Majko askush tjetër. Përpiqet Taulanti i shkretë po s’ia arrin dot. Kush ka oreks le ta hajë, kush përpiqet ta mbajë le ta mbajë, por duhet të shkoni përtej FRESSH, sepse duhet të shkoni përtej traditës. Të rinjtë i shikon si figurantë nëpër sfondet ku flasin kandidatët”, u shpreh Rama.