BE reagon për deklaratat e Ramës: Mos provoko

Bashkimi Europian ka reaguar pas deklaratës së kryeministri Edi Rama ku tha se do të bëhet një Bashkim klasik me Kosovën. Maja Kocijançiç, zëdhënëse e përfaqësueses së lartë të Komisionit Evropian, Frederica Mogherini dhe Johanes Hahnit kanë theksuar se provokimet janë të papranueshme, në një kohë që kërkohet bashkëpunim rajonal dhe përparim për integrimin evropian. Koçijançiç ka deklaruar se pasi u verifikua deklarata e kryeministrit Rama, BE dëshiron të theksojë se Ballkani Perëndimor ka perspektivë të qartë evropiane, e konfirmuar nga BE­ja në nivele më të larta. Të gjithë partnerët në rajon kanë konfirmuar angazhimin dhe qëllimin që të përmbushin një sërë kushtesh dhe standardesh të BE­së”. “Angazhimet e mësipërme gjithashtu përfshijnë bashkëpunimin rajonal, pajtimin dhe marrëdhëniet e mira fqinjësore dhe të gjitha deklaratat provokative në këtë kuadër janë të papranueshme”, thuhet më tej në njoftim. Kjo deklaratë vjen pak ditë pas asaj të kryeministrit Rama sipas të cilit, “Shqipëria dhe Kosova kane dy alternativa, ose te bashkohen ne familjen europiane, ose ‘ne menyren klasike’, ne rast se Europa nuk i hap rruge integrimit evropian të Kosovës dhe liberalizimit te vizave”.