BE tur në bashkitë e vendit, Soreca: Po ndjekim nga afër procesin e ankimeve të 25 prillit

Në një intervistë në RTV Ora, ambasadori i BE-së, Luigi Soreca u shpreh se delegacioni i BE-së po zhvillon një tur në disa bashki të vendit tonë.

Soreca tha se kjo bëhet pasi edhe bashkitë e vendit tonë ka një rol shumë të rëndësishëm në kuadër të procesit të integrimit të vendit në BE.

Ai shtoi se nuk janë harruar debatet dhe zhvillimet politike, por po priten ankimimet dhe sqarimi i parregullsive të pretenduara nga të gjitha palët.

Pyetje: Përse keni zgjedhur që të vizitoni bashkitë e vendit në këto 3 javë të Evropës dhe cili është mesazhi që doni të përcillni?

Soreca:  Të gjitha bashkitë e vendit do t’i bashkohen BE-së. Mesazhi është që të dërgojmë mesazhin te të gjitha bashkive se janë pjesë e rëndësishme në këtë proces dhe do të bashkëpunojnë në këtë proces për ta futur venin në Unionin Evropian.

Pyetje: Cili do të jetë programi dhe objekti i javëve të Evropës.

Soreca: Sot jemi në Tropojë dhe në këto 3 javë do të shkojmë në 23 bashki duke takuar kryebashkiakët dhe bizneset lokale dhe një sërë personazh të tjerë. Evropa është këtu po e ndihmon Shqipërinë që të lëvizë më shpejt drejt Evropës.

Pyetje: Në një moment të rëndësishëm në vend, ju si delegacion do të fokusoheni te të rinjtë dhe kultura, janë këto më të rëndësishme.

Soreca: Të gjitha janë të rëndësishme, por edukimi dhe kultura janë një fokus i veçantë, pasi ne po financojmë ndërtimin e 63 shkollave dhe site arkeologjike, por kjo nuk do të thotë se po e lëmë pas dore debatin politik, sigurisht që po e ndjek nga afër. Varheli ishte javën e kaluar në Shqipëri dhe po i ndjekim debatet. Institucionet gjyqësore kanë nevojë që po i ndjekin parregullsitë që janë paraqitur nga subjektet politike.

NEGOCIATAT

Ambasadori i BE-së, Luigi Soreca u shpreh se qeveritë lokale do të kenë përgjegjësinë që të bëjnë 70% të punës lidhur me procesin e integrimit kur të fillojnë negociatat.

Soreca tha se Shqipëria i ka plotësuar kushtet dhe shtetet anëtare do të takohen, dhe se shpreson që do të mbahet shpejt konferenca e parë ndërqeveritare.

Pyetje: Cili është roli i pushtetit lokal në procesin e integrimit?

Soreca: Qeveritë lokale do të kenë përgjegjësinë që të bëjnë 70% të punës lidhur me procesin e integrimit kur të fillojnë negociata. Kjo do të thotë se duhet përgatitje në avancë. BE po i ndihmon të gjitha bashkitë në vend.

Pyetje: Ka një lloj skepticizmi për integrimin në rajon, sepse kushtet po shtohen dhe procesi po zvarritet.

Soreca: Ne flasim me shqiptarët që tu shpjegojmë se çfarë do të thotë integrimi për ata dhe për të gjithë rajon. Ajo që po bën Evropa për shqiptarët është që të kuptojnë vlerën e shtuar e integrimin në BE. Shqipëria i ka plotësuar kushtet dhe shtetet anëtare do të takohen dhe shpresojmë që do të mbahet shpejt konferenca e parë ndërqeveritare. Pasi të fillojë ky proces, do të kemi një për shpejtim të integrimit më pas.

Pyetje: A mund të nënkuptojmë se do të kemi një datë të afërt për konferencën e parë ndërqeveritare?

Soreca: Mund të them se Shqipëri nuk ka qenë më afër se sa tani për hapjen e negociata. Duhet të bëhen disa detyra shtëpia dhe ne besojmë se vendi juaj është drejt hapjes së negociatave. Kjo është shpresa e gjithë shqiptarëve që besojnë këtë proces. Prandaj besoj se do të ketë një përkushtim të madh të zyrtarëve shqiptarë në këtë proces.

PANDEMIA

Ambasadori i BE-së, Luigi Soreca u shpreh se deri në gusht pritet që të ketë mbërritje çdo javë të dozave të reja.

Soreca tha se Shqipëria është pjesë e historisë së fillimeve të reja të Evropës dhe se në mbështetje me BE-në vendi ynë do t’i kalojë sfidat që ka përpara.

Pyetje: Kur pritet të mbërritje të gjitha dozat e vaksinave që janë dhuruar nga BE për vendin tonë?

Soreca: Javën e kaluar ishte partia e parë e vaksinave dhe deri në gusht do të ketë mbërritje vaksinash. Deri nga fundi i gushtit, do të kenë mbërritur 145 mijë vaksina Pfizer. Kjo është një shprehje e madhe solidaritet nga BE kundrejt Shqipëri. Ne do ta mbështesin Shqipërinë dhe qytetarët e saj deri në fund të pandemisë.

Pyetje: A keni një mesazh për shqiptarët për gjithë këto sfida me të cilat duhet të përballen.

Soreca: Unë dje thash se Evropa është një histori e fillimeve te reja dhe Shqipëria është Evropë në këtë aspekt. Shqipëria do t’i kalojë këto sfida me mbështetjen e Unionit Evropian. Shqiptarët janë të fortë që u ka bërë ballë vështirësive dhe ne do të jemi gjithmonë pranë shqiptarëve.