Begaj e Rama urojnë 8 marsin: Gratë janë shtylla që mbajnë në këmbë familjet e çojnë përpara shoqërinë

Presidenti Bajram Begaj dhe Kryeministri Edi Rama e kanë nisur ditën e sotme me një urim për 8 Marsin, Ditën Ndërkombëtare të Gruas.

“Gratë e mrekullueshme të këtij vendi, janë shtyllat që mbajnë në këmbë familjet dhe çojnë përpara shoqërinë. Nderimi dhe falenderimet për to janë për të gjithë jetën!

Unë dhe Armanda ju përcjellim të gjitha grave shqiptare urimet më të mira në këtë ditë!

Gëzuar Ditën tuaj nëna, motra, bija!“, shkruan Begaj në mesazhin e tij.

Ndërsa Kryeministri Rama uron:

Gëzuar “8 Marsin” me risinë që këtë vit e në vijim nënave të papuna me tre e më shumë fëmijë, sigurimet shoqërore e shëndetësore u paguhen nga shteti pas Këshillimit Kombëtar, ku shumica dhanë pëlqimin e tyre për këtë risi.