Beleri ”mollë sherri”, Mitsotakis nuk fton Ramën në darkën me liderët e rajonit

Për shkak të Fredi Belerit, qeveria greke po mban qëndrim.

Në 21 gusht, kryeministri i Greqisë, Kyriakos Mitsotakis do të mirëpresë në një darkë informale liderët e rajonit, ku do të diskutohet për të ardhmen evropiane të Ballkanit. Në këtë darkë, Shqipëria, që ishte e ftuar në rang Presidenti, nuk do të jetë e përfaqësuar.

Ky lajm vjen në një kohë kur marrëdhëniet ndërmjet Tiranës dhe Athinës janë tensionuar për shkak të arrestimit të kryetarit të zgjedhur të bashkisë së Himarës, Fredi Beleri.

Athina zyrtare e ka konsideruar arrestimin e Belerit si me prapavijë politike, çka ka sjellë replika të ashpra ndërmjet dy qeverive.