Bello dhe Dylgjeri zbulojë arsyet pse u përjashtua nga Asambleja e PS Kiço Londo

Politikë E Martë, 20 Prill 2021 12:18

Ka sjellë jo pak reagime mungesa e disa emrave të njohur në listën e re të anëtarëve të Asamblesë Kombëtare të Partisë Socialiste. Regjisori i njohur Kiço Londo ishte një prej atyre që nuk mori votat nga delegatët e PS-së për të qenë pjesë e forumit të lartë socialist.

Por ja si e komenton ish-deputeti Marko Bello mos zgjedhjen e Londos në Asamble: “Kur e pyeten Ylli Dylgjerin se cila ishte arsyeja e eliminimit te regjisorit Kiço Londo nga Asambleja e Re e Partisë Socialiste, dha përgjigjen lakonike: “Tani që Asambleja u kthye vete në një teatër, nuk ka me nevoje për teatrin e Londos…”,- shkruan në Facebook, Marko Bello.

Ndërkohë gazetari Ylli Dygjeri në një shënim në Fcebook shkruan miku i tij u zëvendësua nga 2K dhe 3K

Ylli Dylgjeri: “Pak fjalë për shokun tim K…

Dje mësova se Ti shoku im K…nuk u zgjodhe më në Asamblenë e Socialistëve…
Nuk u zgjodhe edhe pse ishe tesera Nr. 3 e PS-së. Nuk u zgjodhe edhe pse ishe shoku i fillimit, delegati i ndryshimit, militanti i veprimit, artisti i krijimit. TI ishe regjizori i ndryshimit… Nuk u zgjodhe edhe pse një jetë e kalove në PS: U rrite, u shkollove, u emrove,
u përpoqe, u përkrahe, u sakrifikove, u rrahe, u torturove, u traumatizove, u mjekove.
Jetove! Së fundi dje, u zëvëndësove. Një K, 2K, 3K, XK tjerë, duan t’ët zëvëndesojmë Ty.
Punë të mbarë K-ve! Të Uroj shëndet miku im. Miku yt”.

Lista e plotë e anëtarëve që mbetën jashtë Asamblesë së PS:

Ndre Legisi

Maqo Lakrori

Ilir Zela

Bashkim Zeneli

Luan Hajdaraga

Theodhori Sallaku

Megi Ajtyresa

Ndriçim Hysa

Petrit Ago

Petrit Malaj

Adriana Berberi