Ben Bushi: Protesta juaj (PD) ishte si bashkimi i muratorëve të pavarur

Deputeti i Partisë Socialiste Ben Blushi në fjalën e mbajtur sot në Kuvend ka kritikuar protestat e PD-së. Ai tha se nuk mbron bunkerin dhe theksoi se një ndërtim si ai vetëm vepër arti s’mund të quhet. “Protesta e sotme nuk ishte protestë ishte çrregullim në trafik. Nuk po e krahasoj me protestën e një javë më parë, se ajo është si takim i muratorëve të pavarur. Unë nuk them se bunkeri është vepër arti. E vetmja gjë e mirë që bëtë atë ditë ishte që hoqët llamarinat dhe na treguan se çfarë kishte atje. Ta quash bunkerin vepër arti është njëlloj si një shtyllë betoni ta quash skulpturë”,- tha Blushi

Por nga ana tjetër, i ka kujtuar PD-së se është një rrugë pa krye. “Pyetja që kam për ju është ku do shkoni: do shkoni drejt 21 Janarit apo 14 shtatorit ‘98”,- tha Blushi.

Ai ka folur dhe për kërkesa e PD për qeveri teknike dhe zgjedhje të parakohshme. “Doni qeveri teknike, ne e kemi një qeveri teknike. Kërkoni zgjedhje të parakohshme. Ne kemi kërkuar zgjedhje të parakohshme 8 vjet rresht. Po flitet për reformën në drejtësi dhe perceptimi është se ju nuk e doni”,- tha Ben Blushi.

Ai tha se mund të bëhet referendum për reformën në drejtësi.