Berisha-Ahmetaj, replika në Kuvend

Ish-kryeministri Berisha ka replikuar ashpër me ministrin e ri të Financave Ahmetaj gjatë seancës së sotme në Parlament.

Berisha tha se Ahmetaj u emërua ministër i Financave pasi pranoi të bëjë atë që nuk donte të bënte Shkëlqim Cani.

 “Ministër që shkarkohet se nuk donte të lejonte një marrëveshje korruptive nuk kam parë unë. A doli se është TVSH e Olsit dhe Edit sepse ai zotëria që hoqët nuk pranonte ta firmoste atë, përshëndes punonjësit e Financave, ndihem krenar për ata që refuzuan dhe pranuan shkarkimin nga detyra për të mos lejuar aferën e fëlliqur të lidhur direkt me kryeministrin e vendit”­, tha Berisha.

Berisha i ka kujtuar Ahmetajt se në 2005 u largua nga vendi si shkelës kufiri.

“Cfarë e lidh atë me financat, në mënyrë absolute po ta marrin në provim ky nuk shkruan dot 5 fjali me korrektëse të doktrinës, financat janë shkencë ekzakte, ndaj dhe ky në financa është si miu në kafaz, ndaj shkon aty. Në 2005 ike nga Shqipëria si shkelës kufiri, e ka arrestuar policia greke si shkelës kufiri, ike në Rumani kërkove azil politik, ky njeri i pagoi shuma marramendëse prokurorit të partisë dhe e mbylli. Ndaj dhe ky atë që s’pranoi ta bëjë Cani e punonjësit e tij merr misionin për ta bërë një njeri që në jetën e tij nuk ka lexuar konceptin minimal të financës së një shteti. Po i detyroni qytetarët t’ju krrejnë me leckat nga zyrat, e kalove herën e parë kufirin me valixhe, nuk e bën dot më. Ti nuk mund ta merrje kurrë këtë mision”­, tha Berisha.

Ahmetaj i është përgjigjur Berishës për akuzat që ky i bëri duke thënë se nëse gjen provën më të vogël jep dorëheqjen.

“Kam që 26 vjeç që deklaroj të ardhura, u bëra sot 46 vjeç dhe s’ka ngelur celës e vrimë pa mu kontrollaur madje edhe me urdhrin tënd, unë jam një nga arsyet që antikorrupsioni në Financa ka për të njohur nivel të paparë, është detyre e shenjtë, e respektoj kolegun në ikje si edhe kolegët nga e djathta që kanë kontribuar. Sic kam ulur kokën dy vjet përditë nga mëngjesi në darkë do ta bëj sërish. Asnjëherë s’kam menduar që buxheti i shtetit apo aferat publike janë një rrugë ku mund të fus duart. Coje në prokurori, për kokë të dy gocave jap dorëheqjen”, tha ministri Ahmetaj.