Berisha do mbajë fjalim, si paraqitet situata disa minuta para mbërritjes së Vuçiç

Pas pak minutash pritet të nisë protesta e thirrur nga ish-kryeministri Sali Berisha kundër vizitës së Aleksandër Vuçiç në Tiranë.

Protesta pritet të nisë në orën 16:00 siç është njoftuar në ditët e mëhershme.

Ndërsa deri më tani nga pamjet e siguruara, shihet se kanë vazhduar të mblidhen disa protetuesë para selisë së PD pasi Berisha e pati njoftuar më herët që protesta do fillonte si marshim nga selia e demokratëve dhe do zhvendosej më pas para kryeministrisë.

Vuçiç pritet të mbërrjë në orën 16:00 në Rinas ndërsa në mbledhjen me Ramën pritet të jetë në orën 17:20 ku më pas do u bashkohet edhe kryeministri i Maqedonisë së Veriut, Zoran Zaev.

Ndërsa në momentin e nisjes së marshimit, Berisha pritet të mbajë një fjalim para protestuesve në selinë e PD, dhe më pas do drejtohen drejt kryeministrisë ku është montuar një skenë e madhe për të mbajtur fjalimet gjatë protestës.