Berisha: Dorëheqja dhe largimi i Edi Ramës është qëllimi më madhor nesër dhe në protestat më pas

Ish kryeministri Sali Berisha thotë se protestat me qëllim largimin e kryeministrit dhe qeverisë së Edi Ramës nuk do të ndalen.

“Nesër është një ditë e vecantë, kauzat janë të shumta, të dhimbshme, ulëritëse, por monizmi i plotë është shkaku themelor i tyre ndaj dhe ne zgjidhjen e këtyre kauzave e gjejmë me largimin e kësaj qeverie nga pushteti.

Dorëheqja dhe largimi i qeverisë së Ramës është objektivi kryesor, qëllimi më madhor i protestës së 7 korrikut dhe protestave që do vijnë më pas të popullit opozitar”, tha Berisha ne tryezen e organizuar një ditë para mbajtjes se protestes se 7 korrikut.