Berisha: Dy kryeministra u takuan duke “shtrigëzuar” Albin Kurtin

Sali Berisha ka përsëritur akuzat e tij ndaj kryeministrit Edi Rama për përfshirjen në politikat e brendshme të Kosovës.

Në konferencën për mediat, Berisha e konsideroi Ramën si të rrezikshëm për rajonin.

“Burimet nga Kombet e Bashkuara, bëjnë me dije se në sallat e kësaj selie, në një takim jopublik, dy kryeministrat, përveç atij të Serbisë, kanë paraqitur kërkesa që komunat me shumicë serbe në veriun e Kosovës, të vendosen nën kontrollin e KFOR-it.

Pse del Edi Rama, thoni ju? Edi Rama del se me datën 24 shtator, në orën 11, sapo u mor vesh vrasja e policit në krye të detyrës, Edi Rama vrapoi me të madhe të kërkojë konferencën ndërkombëtare për Kosovën. Tezë kjo e diskutuar dhe sugjeruar edhe në këtë mbledhje.

Kërkesë kjo e paraqitur direkt nga Aleksandër Vuçiç, kërkesë kjo e paraqitur nga terroristët e Listës Serbe, para Edi Ramës. Çfarë fshehin këto qeveri?

Edi Rama me Aleksandër Vuçiç, padronin e tij, ka vetëm një plan, ndarjen e Kosovës.

Nëse veriu do shkëputej nga autoriteti i institucional legjitim i Kosovës, vetëkuptohet që kjo do ishte nëj fazë e parë për një status suigjeneris që do përfundonte në një aneksim dhe ndarje të Kosovës“, tha Berisha ditën e sotme në një konferencë për mediat.