Berisha flet për Metën: Trupi në Janinë e koka në Stamboll. Përgjigjet Meta: Le të thotë ç’të dojë Berisha!

Përpos mospranimit të Bajram Begajt si Presidenti i ri, Partia Demokratike kundërshton edhe qëndimin e Presidentit aktual Ilir Meta.

Kreu i shtetit ishte në Stamboll, ku firmosi për lirimin nga detyra e Begajt, si shef i shtabit të Forcave të Armatosura.

Kryetari i PD-së, Sali Berisha nga jashtë Kuvendit, tha për gazetarët se veprimi i ngjasonte me Ali Pashë Tepelenën. “Ai më ngjau ekzakt më rikujtoi Ali Pashën, trupi në Janinë e kokën në Stamboll”, tha Berisha.

Përgjigjen Meta ia ka dhënë pak minuta më pas në Syri Tv.

“Se çfarë thotë Berisha për dekretin per Begaj, eshte e drejte e tij. Nese ka njeri ne kete toke me koherent ne mbrojtje te Kushtetutes, me falni per modestine, por ai eshte Ilir Meta.

Procedura e ndjekur ka qene e qarte dhe plotesisht transparente. Procedura e firmosjes së këtij Dekreti është vetëm në zbatim të Kushtetutes.Dekreti ka ardhur në mënyrë elektronike nga Tirana në Stamboll.

Pasi u shqyrtua nga unë dhe pasi e lexova, e firmosa publikisht dhe u dergua elektronikisht ne Tirane. Cdo veprim i imi ka qene ne perputhje me Kushtetuten dhe ne perputhje me ligjin. Ne planin kushtetues zero problem, ne planin ligjor zero problem, ne planin moral zero problem” – tha Meta.