Berisha mbledh Komisionin e Rithemelimit në selinë e PD

Ish-kryeministri Sali Berisha ka mbledhur Komisionin e Rithemelimit në selinë e Partisë Demokratike.

Mësohet se çështjet që do të diskutohen në këtë mbledhje kanë të bëjnë më deklaratën e ambasadores Yuri Kim një ditë më parë e cila njohu Enkelejd Alibeajn si ushtrues të detyrës së kryetarit të PD.

Një tjetër çështje që pritet të diskutohet ka të bëjë me situatën aktuale të PD dhe mundësinë e bashkimit të saj. Priten gjithashtu diskutime lidhur me mbledhjen e Grupit Parlamentar. Një tjetër çështje që do të jetë në rend për t’u diskutuar lidhet me riorganizimin e partisë në bazë, me zgjedhjen e kryetarëve të degëve që pritet të mbahet më 20 prill.